ଆନ୍ନା ହଜାରେଙ୍କର ଦୁର୍ନୀତି ବିରୋଧୀ ଅନଶନର ସମର୍ଥନରେ ଯେଉଁ ଅତର୍କିତ ହୋ ଉଠିଲା, ବିଭିନ୍ନ ପୋଷାକରେ ସଜ୍ଜିତହୋଇ, ବାଜାବଜାଇ ଶୋଭାଯାତ୍ରା ମାନଙ୍କର ଦୃଶ୍ୟ ଯେପରି ଗଣମାଧ୍ୟମରେ ପ୍ରସାରିତ ହେଲା- ତାହା ସ୍ମରଣ କରାଇଦେଲା ମାଲକାନଗିରି କଲେକ୍ଟର ଭିନିଲ କ୍ରିଷ୍ଣାଙ୍କର ଅପହରଣ ପରେ ତାଙ୍କର ମୁକ୍ତିପାଇଁ ଉଠିଥିବା ହୋ ଓ ହୋଇଥିବା ଶୋଭାଯାତ୍ରାର ଦୃଶ୍ୟ । ଯେଉଁମାନେ ଭିନିଲ କ୍ରିଷ୍ଣାଙ୍କ ପାଇଁ ସହସା ଉଠିଥିବା ସମର୍ଥନକୁ ସନେ୍ଦହ ଚକ୍ଷୁରେ ଦେଖୁଥିଲେ, ସେମାନେ ଆନ୍ନା ହଜାରେଙ୍କ ସମର୍ଥନରେ ହେଉଥିବା ପ୍ରଦର୍ଶନ କେତେ ସ୍ୱତଃସ୍ଫୂର୍ତ୍ତ ଓ କେତେ ପ୍ରାୟୋଜିତ, ତା’ନେଇ ସନେ୍ଦହପ୍ରକଟ କରିବା ସ୍ୱାଭାବିକ । କଳାଧନର ଉତ୍ସ୍ୱ କର୍ପୋରେଟ ଓ କଳାଧନ ଦ୍ୱାରା ପ୍ରତିପାଳିତ ଫିଲ୍ମଦୁନିଆର ସମର୍ଥନ ସନେ୍ଦହକୁ ଘନୀଭୂତ କରିଛି ।
